好多香港人Weekend都想Chill下放鬆下，
我亦都唔例外。我要求好簡單，就係搵到一間
岩心水既Cafe坐下hea下，其實無論Cafe或
Coffee Shop，都可以係咖啡品質、環境佈置、
餐廳概念、人情味做一個標準，而呢間小店
就岩哂我個人風格。今日就等我去灣仔一間露天
Cafe帶你感受下咩叫慢活態度啦！👇
-
📌All Day -
▪ French Toast - $68
▫ 兩大塊法式多士一黎就搶哂你目光，
首先賣相超colorful，搭配士多啤梨，
加強畫面色彩。多士入口軟腍，面頭配合
Cream Cheese、Cookie Crumbs，
令口感變得更多元化，加埋Honey，甜度較得
岩岩好，整個好好食而且幾有飽肚感。
-
▪ Nutella Banana Toast - $48
▫ 將法式多士轉變一下風格，面頭鋪滿哂
Cookie Crumbs，加左朱古力榛子醬令夾心咬落去
滿滿都是幸福感，而要大讚既係運用到香蕉既
味道去cover返整個甜膩感，味道係相當夾！
-
▪ Very I&G Burger - $88
▫ 我諗I&G 既意思應該係好IGable咁解？！
我就覺得影相真係幾正，Size適中，一隻手都渣得哂
(唔好諗歪野呀！) 餐廳用既肉係豬+牛兩溝，
厚切軟腍，肉質嫩滑。加埋車打芝士，口感相當豐富！
-
▪ Meatball Stew Tomato with daily toast - $68
▫ 有種瑞典既傳統肉丸口感，用既肉同Burger一樣，
份量適中，肉味幾濃郁，忍唔住口一舊又一舊接住食，
肉醬味道亦都相對比平時食開更加濃，配埋多士，
務求要每位食客都捧住個肚走LOL！
-
📌Something Special
▪ Cola-Pop - $50
▫ 今日想試返少少特別既飲品，見到餐牌
寫住Something Special，我緊係唔放過佢啦。
原來呢杯Cola-Pop既意思係將可樂同Espresso
溝埋，有種酸酸甜甜既感覺，好特別！
-
▪ Hardcore Latte - $50
▫ 究竟呢杯有咩咁特別？所謂Hardcore既意思
就係將裡面凍飲用既冰轉做用咖啡整既冰，
具體d講就係用咖啡豆經過磨粉技術，
將佢變成有咖啡味既冰。咁有咩好處呢？
一般凍飲裡面既侵融化後會令咖啡既味道變淡，
但呢杯就唔會。果然夠創新呀！
-
📍 18 Grams Specialty Coffee
🎈灣仔港灣道28號1樓104號舖灣景中心大廈C座
Search